Mail
« 1 2 3 4 »

ఊరూవాడా ప్రచారం

indraprabha

ఎన్నికల ప్రచారంలో టీఆర్‌ఎస్ అభ్యర్థులు దూసుకుపోతున్నారు. ఊరూవాడా అంతా కలియదిరుగుతున్నారు. కారు గుర్తుకు ఓటేసి.. మరోసారి టీఆర్‌ఎస్ ప్రభుత్వ ఏర్పాటుకు సహకరించాలని కోరుతున్నారు. కొందరు అభ్యర్థులు మార్నింగ్ వాక్ పేరిట ఉదయాన్నే ఇంటింటి ప్రచారాన్ని నిర్వహిస్తున్నారు. ప్రచారానికి ప్రజలనుంచి అద్భుత స్పందన లభిస్తుందని అభ్యర్థులు పేర్కొంటున్నారు. ఇదిలావుంటే తాము టీఆర్‌ఎస్ అభ్యర్థులనే గెలిపిస్తామంటూ పలు గ్రామాలు, తండాల వాసులు నిర్ణయించుకుని తమ మద్దతును బాహాటంగా వెల్లడిస్తున్నారు. అదే సమయంలో ప్రధాన పార్టీల నాయకులు, కార్యకర్తలు, కుల సంఘాల వారు, యువకులు, మహిళలు పెద్దసంఖ్యలో గులాబీ గూటికి చేరుతున్నారు.

తప్పుల్లేకుండా ఓటరు జాబితా

indraprabha

జిల్లాలో ఓటరు నమోదు సందడి కనిపిస్తున్నది. కలెక్టర్ సర్ఫరాజ్ అహ్మద్ ఆదేశాల మేరకు యంత్రాంగమంతా ఇదే పనిలో ఉన్నది. మరో రెండు మూడు రోజుల్లో జిల్లాకు ఈవీఎంలు వస్తున్నాయి. ఎవరికి ఓటు వేశామో తెలుసుకునేందుకు ఈ సారి కొత్తగా వీవీ ప్యాట్స్ రాబోతున్నాయి. వీటి ద్వారా ఓటింగ్‌లో పారదర్శకత కనిపిస్తుంది. అర్హులైన ప్రతి ఒక్కరినీ ఓటరు జాబితాలో చేర్చేందుకు యంత్రాంగం కృషి చేస్తున్నది. ఓట్ల గల్లంతుపై ఆందోళన అవసరం లేదు. ఈ నెల 25 వరకు ఓటు నమోదు చేసుకోవచ్చు. నగరంలో పది ప్రత్యేక ఓటరు నమోదు కేంద్రాలు ఏర్పాటు చేశాం. ఇంటింటికీ తిరిగి ఓటరు నమోదు చేస్తున్నాం. వచ్చే నెల 8 వరకు తప్పులు లేని ఓటరు జాబితాను పూర్తి స్థాయిలో సిద్ధం చేస్తాం అని జేసీ జీవీ శ్యాంప్రసాద్‌లాల్ స్పష్టం చేశారు. ఓటరు నమోదు కార్యక్రమం సందర్భంగా ఆయన మంగళవారం నమస్తే తెలంగాణకు ప్రత్యేక ఇంటర్వ్యూ ఇచ్చారు.

ఉత్తమా.. ఉత్తమాటలేల?

indraprabha

టీదశాబ్దాల నుంచి దగాచేసి ఇప్పుడు అలవికాని హామీలతో ప్రజలను మాయచేస్తూ తొక్కైనా అధికార పీఠాన్ని అధిరోహించాలని ఉత్తమ్ కుమార్‌రెడ్డి తహతహలాడుతున్నారన్న అభిప్రాయాలు వ్యక్తమవుతున్నా యి. ఆర్థిక పరిజ్ఞానం అంతంత మాత్రమే ఉన్న పీసీసీ అధ్యక్షుడు తన పేరుకు తగ్గట్టే ఉత్తుత్తి హామీల వర్షం కురిపిస్తూ మరోసారి మోసగించేందుకు ప్రయత్నిస్తున్నారని ఆగ్రహం వ్యక్తంచేస్తున్నారు. పంజాబ్‌లో రైతులకు ఏకకాలంలో రుణమాఫీ చేస్తామంటూ బొక్కాబోర్లా పడిన కాంగ్రెస్ పార్టీ.. తెలంగాణలోనూ మళ్లీ అదే పల్లవిని అందుకున్నదని మరి పంజాబ్‌లో సాధ్యంకానిదాన్ని తెలంగాణలో ఎలా సుసాధ్యం చేస్తుందో ఉత్తమ్ జవాబు చెప్పాలని డిమాండ్‌చేస్తున్నారు. ఉత్తుత్తి హామీల అమలు కోసం ఆర్థిక నిపుణులతో చర్చించామని చెబుతున్న ఉత్తమ్‌కుమార్‌రెడ్డి మరింత లోతుగా అధ్యయనంచేస్తే వాస్తవాలు తెలుస్తాయని ప్రజలు హితవు చెప్తున్నారు. తెలంగాణ ఖజానాకు నెలకు వచ్చే సొమ్మెంత? అందులో సంక్షేమం, ఇతర అభివృద్ధి పనులకు వెచ్చించే మొత్తమెంత? అనే విషయాలపై కూలంకషంగా అధ్యయనంచేసి సాధ్యాసాధ్యాలపై ప్రజలు నమ్మేలా హామీలిస్తే బాగుంటుందన్న విషయాన్ని ఇకనైనా గ్రహిస్తే మంచిదని హితవుపలుకుతున్నారు.

వచ్చే నెల ఒకటి నుంచి ధాన్యం కొనుగోళ్లు

indraprabha

అక్టోబరు ఒకటి నుంచి ధాన్యం కొనుగోళ్లు ప్రారంభించాలని మంత్రి పోచారం శ్రీనివాసరెడ్డి మార్కెటింగ్‌ శాఖ అధికారులను ఆదేశించారు. నిజామాబాద్‌ కలెక్టరేట్‌లో వ్యవసాయ ఉత్పత్తుల కొనుగోలు కేంద్రాల ఏర్పాటుపై మంత్రి పోచారం పౌరసరఫరా, మార్కెటింగ్‌ శాఖల అధికారులతో సమీక్ష నిర్వహించారు. పోచారం మాట్లాడుతూ…కొనుగోళ్లు సమయంలో గన్నీ బ్యాగుల కొరత లేకుండా జాగ్రత్తలు తీసుకోవాలని సూచించారు. సొసైటీలు కొన్న తర్వాత ఆన్‌లైన్‌లో నమోదు చేసుకోవాలన్నారు. రైతులకు చెల్లింపుల్లో ఇబ్బందులు రాకుండా చూసుకోవాలని చెప్పారు.

టిఆర్‌ఎస్‌ కార్యకర్త గట్టయ్య మృతి

indraprabha

టిఆర్‌ఎస్‌ కార్యకర్త రేగుంట గట్టయ్య గాయపడిన విషయం విదితమే. ఆయన చికిత్స పొందుతూ మంగళవారం మృతి చెందారు. చెన్నూరు టిఆర్‌ఎస్‌ అభ్యర్థిగా సుమన్‌ను కెసిఆర్‌ ప్రకటించడాన్ని నిరసిస్తూ గట్టయ్యపై ఒంటిపై పెట్రోల్‌ పోసుకుని నిప్పటించుకున్నారు. తీవ్రంగా గాయపడ్డాడు. ఆయనతోపాటు మరో 15మంది కూడా గాయపడ్డారు. దీంతో గట్టయ్యను మలక్‌పేట యశోద ఆస్పత్రికి తరలించారు. మిగిలిన వారిని వేరే ఆస్పత్రిలో చికిత్స అందించారు. పరిస్థితి విషమంగా ఉన్న గట్టయ్య చికిత్స పొందుతూ నేడు మృతి చెందాడు. పోస్టుమార్టం నిమిత్తం గట్టయ్య మృతదేహాన్ని ఉస్మానియా ఆస్పత్రికి తరలించినట్లు సమాచారం. తాజా ఎమ్మెల్యే నల్లాల ఓదేలుకు చెన్నూరు టిఆర్‌ఎస్‌ టికెట్‌ ఇవ్వనందుకు నిరసనగా ఈ నెల 12న జైపూర్‌ మండలం ఇందారంలో ఆయన అభిమాని గట్టయ్య పెట్రోల్‌ పోసుకుని ఆత్మహత్యయత్నం చేశాడు. తీవ్రగాయాలు కావడంతో హైదరాబాద్‌లో మలక్‌పేట యశోద ఆస్పత్రిలో చేర్పించారు. చికిత్స పొందుతూ నేడు గట్టయ్య తుదిశ్వాస విడిచాడు. దీంతో కుటుంబంలో, గ్రామంలో విషాదఛాయలు అలుముకున్నాయి.

ad

indraprabha

Some text..