చెక్కుల పంపిణీకి సర్వం సిద్ధం

indraprabha

మండలంలో రైతు బంధు పథకం అమలుకు మండల రెవెన్యూ, వ్యవసాయ అధికారులు సర్వం సిద్ధం చేశారు. జంగపెల్లిలో ఈనెల 11న పథకాన్ని అధికారికంగా ప్రారంభించనున్నారు. ఈనెల 15న మండల కేంద్రంలో నిర్వహించే చెక్కుల పంపిణీ కార్యక్రమానికి ఎమ్మెల్యే రసమయి బాలకిషన్ ముఖ్య అతిథిగా హాజరు కానున్నారు. ఈ మేరకు ఆయా గ్రామాల్లో చెక్కులు, పట్టా పాసుపుస్తకాలు పంపిణీ చేయడానికి సిబ్బందిని కేటాయించారు. జంగపెల్లిలో 652 మందికి 767 చెక్కులను మూడు కౌంటర్ల ద్వారా పంపిణీ చేయనున్నారు. 12న మైలారంలో 453 పాసు పుస్తకాలు, 486 చెక్కులను రెండు కౌంటర్లు,13న హన్మాజిపల్లెలో 413 పాసు పుస్తకాలు, 442 చెక్కులను రెండు కౌంటర్లు, 14న ఖాసీంపేటలో 313 మంది రైతులకు పాసు పుస్తకాలు, 335 చెక్కులను ఒక కౌంటరు, గునుకులకొండాపూర్‌లో 1105 పాసు పుస్తకాలు,1220 చెక్కులను మూడు కౌంటర్లు, 15న యాస్వాడలో 30 పాసుపుస్తకాలు 64 చెక్కులను ఒక కౌంటర్, గన్నేరువరంలో 865 పాసు పుస్తకాలు, 989 చెక్కులను మూడు కౌంటర్లు, 16న మాదాపూర్‌లో 396 పాసు పుస్తకాలు, 438 చెక్కులను ఒక కౌంటర్, 17న పారువెల్లలో 365 పాసు పుస్తకాలు, 406 చెక్కులు, గోపాల్‌పూర్‌లో110 పాసుపుస్తకాలు, 117 చెక్కులను ఒక్కో కౌంటరు ద్వారా పంపిణీ చేయడానికి ఏర్పాట్లు చేశారు. చెక్కులు, పాసు పుస్తకాల్లో ఏమైనా తప్పులు ఉన్నట్లయితే ఫిర్యాదు చేయడానికి అధికారులు గ్రీవెన్ సెల్ ఏర్పాటు చేశారు.

సీఎంకు ఘన స్వాగతం పలకాలి

indraprabha

మండలంలోని శాలపల్లి-ఇందిరానగర్ వద్ద గురువారం నిర్వహిం చనున్న రైతుబంధుకు సభకు హాజరుకానున్న ముఖ్యమంత్రి కేసీఆర్‌కు సాదర స్వాగతం పలికేందుకు పట్టణంలో అంబేద్కర్ చౌరస్తా వద్దకు పార్టీ శ్రేణులు, రైతులు, ప్రజలు, మహిళలు పెద్దసంఖ్యలో తరలిరావాలని నగర పంచాయతీ చైర్మన్ వడ్లూరి విజయ్‌కుమార్, టీఆర్‌ఎస్ పట్టణ అధ్యక్షుడు కొలిపాక శ్రీనివాస్ పిలుపునిచ్చారు. బుధవారం మంత్రి ఈటల క్యాంపుకార్యాలయంలో కౌన్సిల్ పరిధిలోని ముఖ్య నేతలతో సీఎం సభ విజయవంతంపై సమీక్షించారు. ఉదయం 9 గంటల నుంచి 11 వరకు చౌరస్తాలో పట్టణానికి చెందిన 600 మంది మహిళలు మంగళ హారతులతో, బతుకమ్మలతో, 600 మంది యువకులు ద్విచక్ర వాహనాలతో తరలివచ్చి సీఎం కేసీఆర్‌కు వీర తిలకం దిద్ది ఘన స్వాగతం పలకాలన్నారు. ఎండ నుంచి ఉపశమనానికి ప్రతి ఒక్కరికీ మజ్జిగ, వాటర్ ప్యాకెట్లు, బిస్కట్లు అం దించనున్నామని చెప్పారు. ఇక్కడ కౌన్సిలర్లు బీమగోని సురేశ్‌గౌడ్, చెట్టి శ్రీనివాస్, టీఆర్‌ఎస్ నేతలు తాళ్లపల్లి శ్రీనివాస్‌గౌడ్, గందె శ్రీనివాస్, అంపటి సుదీర్, ఖాళీద్‌హుస్సేన్, బూసారపు వెంకటేశ్వర్లు, మారపల్లి సుశీల, మహ్మద్ మురాద్‌హుస్సేన్, సొల్లు అశోక్, బొరగాల రాజయ్య, గోస్కుల లింగయ్య, ఎం శ్రీనివాస్, అనిల్ పాల్గొన్నారు. సబ్బండ వర్గాలు తరలిరావాలి.. ఇల్లందకుంట: హుజూరాబాద్ మండలంలోని ఇందిరానగర్ వద్ద గురువారం నిర్వహించనున్న సీఎం కేసీఆర్ సభకు అన్ని వర్గాలు తరలిరావాలని టీఆర్‌ఎస్వీ నియోజకవర్గ ఇన్‌చార్జి కొమ్ము అశోక్, సలహాదారుడు జువ్వాజీ కుమారస్వామి పిలుపునిచ్చారు. బుధవారం సభకు సంబంధించిన కరపత్రాలను కనగర్తిలో పంపిణీ చేశారు. మండలంలోని మల్యాల, పాతర్లపల్లి, సిరిసేడు, మర్రివాణిపల్లి, సీతంపేట, బు జూనూర్, రాచపల్లి, చిన్నకోమటిపల్లి, టేకుర్తి, ఇల్లందకుంట, శ్రీరాంలపల్లి, బోగంపాడు, తదితర గ్రామాల్లో రైతుబంధు సభపై ప్రచారం చేశారు. టీఆర్‌ఎస్వీ నేతలు ధనుంజయ్, వెంకటేశ్, శ్రీధర్, నారరాజు, అరవింద్, సదానందం, హరీశ్, సాంబరాజ్, మధుసూదన్ ఉన్నారు. సీఎం సభను జయప్రదం చేయాలి.. సైదాపూర్: రైతుబంధు పథకాన్ని ప్రారంభించేందుకు సీఎం కేసీఆర్ రానున్న నేపథ్యం లో ఏర్పాటు చేయనున్న బహిరంగ సభకు అన్ని వర్గాలు తరలివచ్చి జడ్పీటీసీ బిల్ల వెంకటరెడ్డి పిలుపునిచ్చారు. స్థానిక ఐకేపీ కార్యాలయంలో సభ ఏర్పాట్లపై నాయకులు, ప్రజాప్రతినిధులు, ఆర్‌ఎస్‌ఎస్ సభ్యులతో సమావేశం నిర్వహించారు. చె క్కుల పంపిణీకి ప్రతి ఒక్కరూ సహకరించాలన్నారు. తహసీల్దార్ సురేఖ, ఎంపీడీఓ అమరేందర్‌రాజు, ఏఓ శ్రీలత, నేతలు సోమారపు రాజయ్య, మునిగంటి స్వామి, ఆర్‌ఎస్‌ఎస్ సభ్యుడు తా టిపల్లి యు గేంధర్‌రెడ్డి, సర్పంచులు కనుకుంట్ల విజయ్‌కుమార్, సర్జన ఎల్లయ్య, ఎంపీటీసీలు మట్టెల రవీందర్, వేముల నారాయణ ఉన్నారు.

indraprabha

నేడు సీఎం కేసీఆర్ జిల్లాకు రాక..

ముఖ్యమంత్రి కే చంద్రశేఖర్ రావు బుధవారం సాయంత్రం కరీంనగర్ వస్తున్నారు. తన మేన కోడలు చంద్రమతి కొడుకు రూపేష్ పెళ్లికి హాజరై తీగలగుట్టపల్లిలోని కేసీఆర్ భవన్‌లో బస చేస్తారు. ఈ నెల 10న హుజూరాబాద్ మండలం ఇందిరానగర్‌లో రైతుబంధు పథకాన్ని ప్రారంభించేందుకు సీఎం ఒక రోజు ముందుగానే జిల్లా కేంద్రానికి చేరుకుంటున్నారు. హైదరాబాద్ నుంచి నేరుగా కరీంనగర్ శివారులోని తీగలగుట్టపల్లిలోని తన నివాసానికి చేరుకుంటున్న సీఎం అక్కడ కొద్ది సేపు విశ్రాంతి తీసుకుని రాత్రి 7.30 గంటలకు స్థానిక పద్మనాయక కళ్యాణ మండపంలో జరుగుతున్న తన మేన కోడలు చంద్రమతి కొడుకు వివాహ వేడుకలో పాల్గొని వధు, వరులను ఆశీర్వదిస్తారు. అక్కడి నుంచి తిరిగి కేసీఆర్ భవన్ చేరుకుని రాత్రి ఇక్కడే బస చేస్తారు. ఉదయం 10.30 కల్లా హుజూరాబాద్ మండలం ఇందిరానగర్ చేరుకుని అక్కడ రైతుబంధు పథకాన్ని ప్రారంభిస్తారు. కరీంనగర్ తీగలగుట్టపల్లి నుంచి హుజూరాబాద్‌కు వెళ్లే మార్గంలో అక్కడక్కడా ఆగి రైతులతో మాట్లాడతారు. ఈ నేపథ్యంలో జిల్లా అధికారులు అన్ని ఏర్పాట్లు చేస్తున్నారు.


మంచు వర్షంలో చిక్కుకున్న ఎపి యాత్రికులు!

indraprabha

చార్‌ధామ్ యాత్రలో అపశృతి చోటుచేసుకుంది. ఎపికి చెందిన యాత్రికులు బద్రీనాథ్ వద్ద మంచు వర్షంలో చిక్కుకున్నారు. శ్రీకాకుళం, విశాఖపట్నం జిల్లాల నుంచి 104 మంది యాత్రికులు యాత్రకు వెళ్లారు. యాత్రికులంతా ఏప్రిల్ 26న చార్‌ధామ్ యాత్రకు బయల్దేరారు. చార్‌ధామ్ యాత్రకు వెళ్లిన 104 మంది యాత్రికులు మంచు వర్షంలో చిక్కుకున్నారు. కాగా, బాధిత యాత్రికులంతా 55 ఏళ్లకు పైబడిన వారేనని తెలుస్తోంది. 104 మందిలో 39 మంది యాత్రికులు సురక్షిత ప్రాంతానికి చేరుకున్నారు. మిగిలిన 65 మంది బద్రీనాథ్‌లోని ఓ లాడ్జిలో తలదాచుకున్నట్లు సమాచారం. 65 మంది బాధితుల్లో ఆరుగురు విశాఖ వాసులు. వారిలో కలివరపు ముత్యాలరావు, అతని భార్య. విశాఖలోని వేపగుంటకు చెందిన ఎస్ కామేశ్వరరావు, ఎస్ భారతి… విశాఖలోని కంచరపాలెంకు చెందిన వడ్డీ కాశీవిశ్వనాథం, వడ్డీ విజయలక్ష్మీఉన్నారు. యాత్రికులు భోజనం కూడా లభించక తీవ్ర ఇబ్బందులు పడుతున్నట్లు తెలిసింది. యాత్రికుల పరిస్థితిని ఎపి భవన్ అదనపు కమిషనర్ అర్జా శ్రీకాంత్, టిడిపి పార్టీ కార్యాలయ కార్యదర్శి నౌపాడ సత్యనారాయణ పర్యవేక్షించారు. మంచువర్షంలో చిక్కుకున్న యాత్రికులతో అధికారులు మాట్లాడారు. 39 మంది జెడ్‌పిటిసిల బృందం సురక్షిత ప్రాంతానికి చేరుకున్నారు. ఉత్తరాఖండ్‌లోని సీతాపురికి జెడ్‌పిటిసిలు, అధికారుల బృందం చేరుకుంది. ఉపాధిహామీ పనుల పరిశీలన కోసం ఉత్తరాఖండ్ వెళ్లిందీ బృందం. శ్రీకాకుళం జెడ్‌పిటిసి ఛైర్‌పర్సన్ చౌదరి ధనలక్ష్మీ ఆధ్వర్యంలో బృందం వెళ్లింది.

భరత్‌ అనే నేను రివ్యూ…

indraprabha

మ‌హేష్‌బాబు భ‌ర‌త్ అనే నేను ఫీవర్ కొద్ది రోజులుగా టాలీవుడ్‌ను ఊపేస్తోంది. రాజ‌కీయాలంటేనే ఆమ‌డ దూరంలో ఉండే మ‌హేష్‌బాబు కెరీర్‌లోనే ఫ‌స్ట్ టైం ముఖ్య‌మంత్రిగా తెర‌మీద క‌నిపిస్తుండ‌డంతో ప్రేక్ష‌కుల‌కు ఉత్కంఠ, ఆయన అభిమానులకి టెన్షన్ మామూలుగా లేదు. కొర‌టాలతో మ‌హేష్ చేసిన శ్రీమంతుడు మ‌హేష్ కెరీర్‌లోనే బిగ్గెస్ట్ హిట్‌. శ్రీమంతుడు తర్వాత మహేష్ – కొరటాల కాంబినేషన్ మరలా రానుండడంతో ఈ సినిమా మీద అనేక అంచనాలు నెలకొన్నాయి. రిలీజ్‌కు ముందే భారీ ప్రీ రిలీజ్ బిజినెస్ కూడా జరగడంతో భారీ అంచనాలు నెలకొన్నాయి. భారీ అంచ‌నాలు సొంతం చేసుకున్న ఈ సినిమా ఈ రోజు ఉద‌యం 5 గంట‌ల షోతో ప్ర‌పంచ‌వ్యాప్తంగా రిలీజ్ అయ్యింది. మ‌రి సీఎంగా భ‌ర‌త్ అంచ‌నాలు అందుకున్నాడా ? లేదా ? అన్న‌ది మా బుల్లెట్ రివ్యూలో చూద్దాం. స్టొరీ లైన్ : భరత్‌రామ్‌ (మహేష్‌బాబు) ఆంధ్రప్రదేశ్‌ ముఖ్యమంత్రి (శరత్‌ కుమార్‌)కి ఒక్కగానోక్కకొడుకు. లండన్ కేంబ్రిడ్జ్‌లో భరత్‌రామ్‌ చదువుకుంటున్న సమయంలో శరత్ కుమార్ అనూహ్యంగా హఠాన్మరణం పాలవుతారు. అయితే తండ్రి మరణంతో లండన్‌ నుంచి ఇంటికి వచ్చిన భరత్ ని తన తండ్రి పార్టీ వాళ్ళు అంతా కలిసి భరత్‌ను ముఖ్యమంత్రిగా ఎన్నుకుంటారు. అయితే భరత్‌ ముఖ్యమంత్రిగా ప్రమాణ స్వీకారం చేసిన తర్వాత రాష్ట్రాన్ని బాగుచేద్దామని భావిస్తాడు. కాని బాగా నమ్మిన వాళ్ళే వెన్ను పోతూ పొడవడంతో ఆలోచనలో పడ్డ భరత్ కుళ్లుపోయిన రాజ‌కీయ వ్య‌వ‌స్థ‌ను ఎలా మార్చాడు ? అత‌డికి ఈ క్ర‌మంలో ఎదురైన ఇబ్బందులు ఏంటి ? న‌మ్మిన వాళ్లే అత‌డికి ఎలా వెన్నుపోటు పొడిచారు. రాజ‌కీయం, వ్వ‌వ‌స్థ మార్పు అంత సులువు కాద‌ని అర్ధం చేసుకున్న భరత్ దాని కోసం ఏం చేశాడు ? వసుమతి (కైరా అడ్వాణీ)తో ప్రేమ కథ ఎలా మొదలైంది? చివరకు భరత్‌ ఎలా జ‌నాల మ‌న‌స్సుల‌ను గెలుచుకున్నాడు ? అనేదే కథ …ఇది చదవడం కంటే తెర మీద చూస్తేనే మరింత కిక్ ఇస్తుంది. విశ్లేషణ : నటీనటులు : మహేష్‌ తన కెరీర్ లోనే అత్యుత్తమ నటన ఈ సినిమాలో కనబరిచాడు. ముఖ్యమంత్రిగా మహేశ్ బాబు నటన ఈ సినిమాకే హైలెట్. అనూహ్య పరిస్థితుల్లో సీఎంగా బాధ్యతలు చేపట్టిన యువకుడి పాత్రలో మహేశ్ అద్భుతంగా నటించాడు. ఇంటర్వెల్ ముందు హీరోను ఎలివేట్ చేసిన విధానం అయితే మాటల్లో చెప్పలేనిది. మహేష్ నటించిన ఉత్తమ చిత్రాల జాబితాలో ‘భరత్‌’ కచ్చితంగా ఉంటుంది. మహేష్ లుక్స్‌, బాడీ లాంగ్వేజ్ అంతా పర్ఫెక్ట్ గా కుదిరాయి. ఇంకో విషయం ఏమిటంటే అక్కడక్కడా ఆయన తండ్రి కృష్ణని గుర్తుకు తెస్తాడు మహేష్. కైరా అద్వానీకి ఇది తొలి తెలుగు చిత్రం అయినా చాలా ఈజ్ తో నటించింది. మహేష్ పక్కన ఏ హీరోయిన్ అయినా ఇట్టే సెట్ అయిపోతారు అనేదానికి మరో ఉదాహరణ. కైరా మహేష్‌ పక్కన చాలా అందంగా ఉంది. బ్రహ్మాజీ రోల్ చిన్నది అయినా ఉన్న కాసేపు నవ్వులు బాగా పండించాడు. ప్రకాష్‌రాజ్‌ మరోసారి తనకు అలవాటైన మేనరిజంతో తనకిచ్చిన పాత్రలో జీవించాడు. రావు రమేష్‌, శరత్‌కుమార్‌, రమాప్రభ, ఆమని, సితార, పోసాని కృష్ణమురళి, రవిశంకర్‌, అజయ్‌ అందరు కూడా తమ తమ పరిధి మేరకి అలరించారు. క్రూ : సినిమాకి దేవిశ్రీ ప్రసాద్‌ పాటలు, నేపథ్య సంగీతం ప్రధాన ఆకర్షణ. ఇక సినిమాలోని మూడు యాక్షన్‌ ఎపిసోడ్స్‌లో హింస, రక్తపాతం జోలికి వెళ్లకుండా క్లాస్‌ ప్రేక్షకులకు కూడా నచ్చేలా మాయ చేసాడు కొరటాల. రవి కె.చంద్రన్‌ కెమెరా పనితనం, శ్రీకర్‌ ప్రసాద్‌ ఎడిటింగ్‌, సెల్వరాజన్‌ ఆర్ట్‌ సినిమాకు మరింత రిచ్ నెస్ ని ఇచ్చాయి. నిర్మాణ విలువలు కూడా అత్యున్నత స్థాయిలో ఉన్నాయి. ఏ విషయంలోనూ వెనక్కి తగ్గకుండా నిర్మాతలు దర్శకుడికి సహకరించినట్టున్నారు. ప్లస్ పాయింట్స్ మహేష్‌బాబు పాత్ర చిత్రణ, నటన కథాంశం ప్రీ ఇంటర్వెల్ ఎపిసోడ్ సెకండ్ హాఫ్ లో వచ్చే ప్రెస్ కాన్ఫరెన్స్ యాక్షన్‌ ఎపిసోడ్స్‌ సంగీతం మైనస్ పాయింట్స్ క్లైమాక్స్‌లో వచ్చే లేగ్ ర‌న్ టైం తెలుగు బులెట్ పంచ్ లైన్ : భరత్ అనే నేను ప్రేక్షకులకి హామే ఇచ్చినట్టుగానే మరో బ్లాక్ బస్టర్ ఇచ్చేశాడు. రేటింగ్ : 4 / 5 నేటి స్వార్థ రాజకీయ నాయకులకి, టీఆర్పీ కోసం గడ్డి కరిచే మీడియా ఛానెల్స్ కి చెంప పెట్టు ‘భరత్ అనే నేను’